Да се претставам...

[Damjan Janev]

Аквариумот се појави кога синко го доби на поклон Цветко ;-)
Откако заклучивме дека живот во кугла ќе му биде мачење му направивме прописно живеалиште. Почнавме со основните елементи: стаклен аквариум, потопен филтер со пумпа за вода, супстрат за на дното, пар растенија, светло и темниот хамер во позадина. Светлото е на тајмер, се пали во 008:00, а се гаси на полноќ. После некое време дојде и дрвото од Маркова Река. Темелно стругање, чистење, малце поткастрување со пила и повеќечасовно (6-8) вриење се најде во аквариумот.

Личи дека му е погодено. Апетит има, целиот аквариум го истражува. Се мува и напред и назад, шета околу дното, а се качува и на површина по воздух. Личи дека ги сака и „скришните“ места кои му ги прават дрвото и зеленилото. Друштво му прави една колонија Physella Acuta (bladder snail), која е најверојатно дојдена со зеленилото. Ги оставив со надеж дека со тек на времето нивниот број ќе се доведе во некоја рамнотежа и нема да доминираат во екосистемот. По она што прочитав, нема да ги уништат растенијата, ќе се хранат со биолошкиот отпад и алги, а можеби и ќе бидат дополнителна исхрана за Цветко (ако не го мрзи да ги лови младите).

И то...

[Login or Register]

[Login or Register]

[Damjan Janev]

Е да... со почетокот на грејната сезона и кај Цветко додадовме 50W греење, за да можеда му наткомиме пријатни 25 степени.

[p]

Убаво аквариумче и јас мислам дека му е погодено. Браво за трудот!
Стави повеќе инфо за аквариумчето, волумен, осветлување, подлога...

Еве ја и првата  од мене. 

Еден добронамерен совет, веднаш стави стиропор под акварумот. Не практикувај на тврда подлога да поставуваш аквариуми. Ова е помало, но со поголем аквариум и мала нерамнина може да биде кобно.

пс - исто така да те замолам да внесеш возраст на твојот профил. Сите го практикуваме ова правило и да останеме доследни и кон останатите членови. Убаво аквариумче, продолжи вака и понатаму. 

[Damjan Janev]

Димензии: 35х20х23цм (15-тина литри)
Осветлување: ЛЕД од 3,5W (24 диоди од по 0,14W. 22 бели + 2 сини)
Подлога: Не знам детали. Наменска за аквариуми е, мислам дека е некаква глина по состав.
Филтер: Потопен со капацитет од 300л/час

Аквариумот не е директно на мебелот. Под него има еден тенок слој пластична заштитна фолија од оние со кои се пакуваат некои апарати за домаќинство. Може да ја заменам со некој тенок стиропор, некој ден.

[p]

Да, само стиропор под аквариумот.
Да не оставаме на случајност, 15 литри не се многу ама понекогаш е добро да се работи како што е најдобро. А стиропорот не е богатство, има и потенки колку да ублажат нерамнини. 

Другото е се во ред, можеби треба да има малку повеќе подлога за да можат растенијата да пуштат корења. Околку 5-7cm е доволно.

Коренот многу убаво дошол. 
Позадината црна, топ! Таман за контраст, така сите правиме.   

[NO CARRIER]

 

[p]

Друштво му прави една колонија Physella Acuta (bladder snail), која е најверојатно дојдена со зеленилото. Ги оставив со надеж дека со тек на времето нивниот број ќе се доведе во некоја рамнотежа и нема да доминираат во екосистемот. По она што прочитав, нема да ги уништат растенијата, ќе се хранат со биолошкиот отпад и алги, а можеби и ќе бидат дополнителна исхрана за Цветко (ако не го мрзи да ги лови младите).

Овие полжави најчесто и така се внесуваат, преку други растенија. Дали се добри или лоши е дискутабилно, зависно кој што сака да направи од својот аквариум. Се хранат со алга и додека се под контрола се е во ред, но ако се пренаселат можат да пречат доста затоа што може да ги има на предно стакло во огромен број. Но, нека не те плаши таа ситуација, за се има лек и лесно се контролираат. 

#ДоброУтро @damjanev #онакога #седидома е најдобро да се помине покрај својот #аквариум. #Добредојде #Welcome на #mkreef .👏 Ова е неговиот аквариум со #bettaFish. 👇https://t.co/aEHIqgh3ph pic.twitter.com/D3rGNwB2vl

— mkreef forum (@forum_mkreef) October 29, 2020