Филтрација во нашите аквариуми

[Cimento]

За ова има пишувано Спајк но мислам дека не би било на одмет да се напише уште еднаш.
Станува збор за типовите на филтрација. Има три најосновни типови на филтрација, и тоа:механичка,хемиска и биолошка. Овие три имаат голема улога во одржувањето на квалитетот на водата во нашите аквариуми. Секоја од нив си има одредена улога што го прави оптимално филтрирањето во аквариум.

Механичката филтрација значи едноставно механичко чистење на акваариумот. Отстранување на сите нечистотии од аквариумот,измет од рибите остстоци од храна, скапани треви и слично што се наоѓа во нашиот аквариум. За овој вид на филтрација повеќето лиѓе мислат дека ова е единствениот вид на филтрација, и дека единствената улога на филтерот е оваа. Механичката филтрација ги собира горенаведените остатоци. Најчесто како медиум за механичка филтрација се користи сунѓер,вата, мрежи и слично. Во суштина секој не токсичен производ кој во себе може да ги задржи раните видови прљавштина и дозволува низ него да проаѓа вода може да се употреби како филтер материјал.

Хемиската филтрација е процес каде несаканите хемиски соединенија и тешки метали се отстрануваат од водата. Хемиската филтрација не се употребува континуирано во филтрацијата на аквариумот. Најчесто се употребува откако ќе се соочиме со некој проблем или третираме билни риби со лекови. Најчесто од водата сакаме да ги отстраниме различните остатоци на  хлор, хлорамин, лекарства за риби, бакар и слични останати супстанци. Хемиската филтрација исто така може да ги отстрани танините од водата, по што би заклучиле дека не би било добро да се користи почесто доколку имаме аквариум кој треба да има таканаречена“црна“ вода. Хемиската филтрација истот така помага во отстранување на непијатни мириси од аквариумот, но прво треба да се види што ги предизвикало тие мириси. Најчесто овие мириси се предизвикани од умрени риби во аквариумот, распаѓањето на храната, кои би требало да бидат отстранети. Најчесто средство за хемиска филтрација на аквариумот е активниот јаглен. Ова некогаш се поистоветува  со ќумур за скара (кој не треба да го користиме во ниту еден случај. Активниот јаглен работи на принцип на абсорпција. Што значи дека молекулите од несаканите хемиски елементи се заглавуваат во на површината на активниот јаглен и се одстранети од водата. Активниот јаглен понатаму не предизвикува никакви хемиски реакции кои би би предизвикале повторно загадување на водата за извесен период. Овој вид на медиум има ограничен животен век. Најчесто трае од 3-6 месециво зависност од нивото на хемикалии одстранети од водата. Треба да се напомене дека активниот јаглен после извесен период треба да се извади од аквариум бидејќи може да се деси да ги ослободи хемикалиите врзани за него. Активниот јаглен може да се обнови со печење во рерна на повисока температура. Покрај ова има уште два вида на хемиска филтрација, првиот, кој ги отстранува фосфатите од аквариумот и вториот вид кој ги отстранува амонијата и нитритите и ги сведува на ниско ниво.
 Различните видови на хемиска филтрација може да се употребуваат во секој аквариум, но треба да се избегнува користење хемиска филтрација во добро исциклиран филтер.

Биолошка филтрација е најважната филтрација во аквариумот од сите три наведени филтрации. Биолошката филтрација е одржувач на живот во нашите аквариуми. Биолошката филтрација се состои од милијарди бактерии кои го населуваат нашиот аквариум и ги одстрануваат амонијакот и нитритите од нашите аквариуми најчесто предизвикани од изметот на рибите кои ги чуваме.
Биолошката филтрација филтрација ќе се зафати на се порозно што имаме во акварумот, камењата, подлогата, песокот и слично. Во секој сличај најефективен филтер медиум за биолошка филтрација е оној медиум кој ќе понуди нјаголемо место за населување на овие бактерии отколку декорацијата во нашите аквариуми. Местото каде се населуваат ови бактерии е од големо значење затоа што на овие бактерии им е потребен простор за да може да работат и колку повеќе ваков простор има обезбедиме толку повеќе толку повеќе корисни бактерии ќе имаме. На пазарот постојат многу фирми кои призведуваат вако вид на материјали кои се поволни, односно доволно порозни за населување на овој вид на бактерии, такви производи се:Biomax, Eheim, Symbionit и слично. Овие медиуми најчесто се направени од порозна керамика или камен и имаат огромен простор за населивање на овие бактерии.
Полезните бактерии зе аеробни, што значи дека им е потребен кислород за да живат и да се размножуваат. Ова може да им го обезбедиме доколку во нашиот аквариум, обезбедиме максимален проток на вода низ медиумот кој го населуваат. Затоа е битно да се напомене да се чисти редовно механичкиот дел од филтерот да не дојде до негово затнување, и да го намали нивото ан кислород во филтер медиумот.
Од сите три типови на филтрација само механичката и биолошката можат де работат преманентно. Колку повеќе биолошка фијтрација ќе населиме во нашиот филтер толку подобро за нашиот аквариум. Иако треба да имаме на памет дека и колку повеќе механички филтер толку подобро, за да не дозволиме да за запуши просторот каде треба да се населат корисните бактерии. За некојси исеален филтер би го дале размерот да филтрацијата изнесува 1/3 да се остави на механичката, а останатите 2/3 да бидат за биолошка филтрација.

Останати медиуми.
Како најчесто употребуван додаток за во филтер е хумусот. Овој вид најчесто се користи во аквариуми во кои чуваме риби кои сакаат покисела вода и поголемо присуство на танини. Овој вид на медиум е најдобро да го врземе во една најлонска чорапа и да го поставиме во комората каде излегува водата. Со ова постигнуваме поголема ефикасност.Хумусот би требало да се менува на секои три месеци за да ја задржи неговата улога. Треба да се биде претпазлив со хумусот затоа што може да доведе до големо намалување на ph на водата и да имаме проблеми во аквариумот.

И уште еден медиум кој често се употребува во акваристиката е здробен корал или школки. Овој вид на медиум се употребува во аквариуми кај кои чуваме риби кои сакаат тврда и алкална вода. Исто како и хумусот и овој вид на медиум се става во филтерот. Здробените корали и школки ослободуваат калциум карбонат и магнезиум со што ја зголемуваат алкалноста на водата. За разлика од хумусот овој медиум нема рок на траење. Се чува во филтерот се додека целосно не се раствори во водата.

[Саше]

 :surprise: :surprise: :surprise: E be cimento si se iznapishual... nb,m nb,m nb,m nb,m nb,m nb,m

[Uran]

  

[Ljube]

Imalo skrien talent na forumov samo si gi cekal svoite 5 min 
 nb,m Cime 

[ivica74sk]

Odlicen tekst,koncizen razbirliv i poucen. nb,m

[nenad66]

  za " vujaklijava" 

[Gjuro]

Uste eden mnogu biten element za aqvaristikata "filtracija", se e odlicno opisano i objasneto.Zasluzena  steta ne si fakultet  da ja iskoristese i edna  za trudot 

[Aleksandar B]

Bravo Cimento odlicen tekst 
 

[kiko_vet]

 

[jufka]

 :wav: :wav: :wav:
Одличен текст, само напред

[zarko_vrpeto]

  t28

[petreski t.]

  cime dosta korisno  t28 

[p]

#Филтрација во нашите аквариуми - Филтрација/Filtracija -  https://t.co/cID3T1XgzK via @forum_mkreef #акваристика #аквариум #ДомашниМиленици

— mkreef forum (@forum_mkreef) January 25, 2017